Ինչպես է Թինա Քեյը համատեղել Մոսկվայի հյուրախաղերն ու դստեր տարեդարձը

Blognews.am-ը գրում է.

Պարուհի, օդային ակրոբատ և կենդանիներ վարժեցնող Թինա Քեյի դստրիկ Կամիլլա-Էսմերալդան օրերս բոլորեց իր 4-ամյակը: BlogNews-ի հետ հեռախոսազրույցում Թինան մանրամասներ պատմեց փոքրիկի ծննդյան տարեդարձի մասին :

«Այնպես ստացվեց, որ այս օրերին հյուրախաղերի եմ Մոսկվայում, ու քանի որ գիտեի, որ երեխայի ծննդյան օրը Երևանում չեմ լինելու, մկնիկիս էլ հետս եմ բերել: Անցած տարի այս օրերին Սոչիում էի.  հյուրախաղերի ու  պարային մրցումների էի ու երեխայի տարեդարձը նշեցինք միայն իմ վերադառնալուց հետո՝ ուշացումով: Դրա համար էլ այս անգամ որոշեցի հետս վերցնել Կամիլլային, ու հենց Մոսկվայում էլ նշեցինք նրա տարեդարձը»:

Հարցին, թե ինչով առանձնացավ այս տարեդարձը նախորդներից, Թինան նշեց. «Այս անգամ հյուրեր չունեինք՝ պարզ պատճառներով, և որոշեցինք Կամիլլայի տարեդարձը նշել Մոսկվայի մանկական ժամանցային վայրերից մեկում. ատրակցիոններ, խաղեր, զբոսանք, իսկ ամենավերջում էլ, երբ արդեն տուն վերադարձանք, տոնական տորթն ու նվերները, բնականաբար»:

 

Ու չնայած մեր հեռախոսազանգի առիթը Կամիլլայի տարեդարձն էր, չէինք կարող շրջանցել նաև Թինա Քեյի ընտանեկան կյանքին վերաբերող խոսակցությունները, համաձայն որոնց՝ հայտնի ակրոբատուհու ներընտանեկան կյանքում տարաձայնություններ կան, և զույգը պատրաստվում է ամուսնալուծվել: Թինան հերքեց այս լուրերը՝ ասելով, որ իր ընտանիքում ամեն ինչ լավ է և այս պահին էլ իր ամուսինն իր ու իր աղջկա հետ է Մոսկվայում: