Արամ MP3-ի կնոջ անսպասելի անակնկալը՝ Արմուշի որդու տարեդարձին

BlogNews-ը գրում է

Դերասան Արմուշի ավագ որդին՝ Դանին, օրերս բոլորել է 8 տարին, ինչի կապակցությամբ ընտանիքը նրա համար տոն էր կազմակերպել: Այժմ ընտանիքի հետ ԱՄՆ-ում գտնվող դերասանը BlogNews-ին է տրամադրել որդու տարեդարձի լուսանկարները: Նրա կինը՝ Լուսինեն էլ մանրամասներ է պատմել օրվանից:

Ծնողները Դանիին հեծանիվ են նվիրել, եղբայրը՝ հրացան: Պարզվում է՝ Դանին չի սպասել, որ միայն իրեն են նվերներ տալու և իր նվերն է արել ծնողներին: «Արմուշի հետ առավոտյան դուրս էին եկել տանից, ասել է՝ մամային նվեր ու ծաղիկ առնենք: Արջուկը ձեռքին եկավ, նվիրեց ու ասաց՝ մամա ջան, սա էլ քեզ: Քո ու պապայի ծնունդն էլ շնորհավոր :)»,- ոգևորությամբ պատմեց Լուսինեն:

Դանին տարեդարձը նշել է ԱՄՆ-ում ապրող հարազատների՝ տատիկի, հորաքրոջ և այնտեղի ընկերների հետ, սակայն շատ է կարոտել Հայաստանում ապրող հարազատներին ու ընկերներին: «Գոքորի (նկատի ունի՝ Գրիգոր Դանիելյանին, հեղ.) տղան՝ Ալբերտոն էլ էր այստեղ: Երբ Դանին իմացավ, որ գալու է ծնունդին, շատ ուրախացավ: Այժմ նաև Արմինկան է այստեղ: Դանին շատ է մտերմացել նրա որդու հետ: Էստեղ արդեն ընկերներ ունի, սակայն շաաաատ-շատ է կարոտում եղբորս որդուն ու իր ամենամոտ ընկերոջը՝ Սարգսին: Արամ MP3-ի կինը՝ Աննան, անակնկալ էր պատրաստել Դանիի համար, որից իսկապես շատ էր հուզվել: Աննան տեսանյութ էր պատրաստել, որում Դանիին շնորհավորում էին բոլոր այն մարդիկ, ում ինքը սիրում է: Մտերիմ ընկերը՝ Սարգիսն էլ էր խոսել, շատ հուզիչ խոսքեր էր ասել»,- պատմեց Լուսինեն ու հավելեց, որ Սարգիսը տեսանյութի փուչիկնորով տղան  է: