Մթերքներ, որոնք պաշտպանում են ձեր տեսողությունը

Բազմաթիվ հետազոտությունների արդյունքում պարզվել է, որ գոյություն ունեն սննդի հատուկ տեսակներ, որոնք շատ օգտակար են աչքերի համար և կարող են պաշտպանել տեսողությունը: Սննդի միջոցով տեսողության պաշտպանությունը հատկապես արդյունավետ է տարեց մարդկանց մոտ, որոնց մոտ տեսողության կորուստը տարիքային է:

Past.am-ը այս անգամ իր ընթերցողներին է ներկայացնում մթերքներ, որոնք պաշտպանում են տեսողությունը:

Սննդամթերքները, որոնք հարուստ են վիտամին C-ով, վիտամին E-ով եւ Omega-3 ճարպաթթուներով, կարող են օգնել խուսափել դեղորայքային միջամտությունից:

Գազարը հարուստ է այս վիտամիններով: Այն կարող է օգնել ձեզ կանխել կատարակտը եւ տարիքի հետ առաջացած տեսողության թուլացումը: Բացի աչքի տեսողության համար ունեցած իր բազմաթիվ օգտակար հատկություններից, պետք է նշել նաև, որ գազարն ունի առողջության համար օգտակար բազմաթիվ այլ հատկություններ:

Սպանախը եւ մյուս, այսպես ասած, տերեւավոր բանջարեղենները հարուստ են A, B12, C վիտամիններով եւ կալցիով, որոնք կանխում են տեսողության վատացումը:

Ձկնեղենը պարունակում է օմեգա 3 ճարպաթթուներ, որոնք օգտակար են աչքի ցանցաթաղանթի եւ արյունատար անոթների համար:

Հապալասը, կապույտ հապալասը և մոշը պարունակում են պիգմենտ, որը կարող է ցանցաթաղանթի բջիջները պաշտպանել ծերությամբ, լույսով, դիաբետով պայմանավորված վնասվածքներից:

Անի Գևորգյան