7 հիմնավոր պատճառ, թե ինչո՞ւ պետք է հաճախակի նուռ ուտել

1. Բարձրացնում է հեմոգլոբինը

Ամենահայտնի առանձնահատկությունը սակավարյունության  դեմ պայքարն է: Սակավարյունության դեպքում պետք է երկու ամիս անընդմեջ, ուտելուց 30 րոպե առաջ, օրական 3 անգամ նռան հյութ խմել:

2. Իջեցնում է արյան ճնշումը:

Նռան հատիկները իջեցնում են հիպերտոնիկների արյան ճնշումը: Իսկ թեյի մեջ ավելացված նռան չորացրած կեղևն օգնում է հանգստացնել նյարդային համակարգը, ազատվել անհանգստության զգացումից, կարգավորել քունը:

3. Ախտահանում է բերանի խոռոչն ու կոկորդը:

Նռան կեղևի թուրմը կամ հյութը օգտագործվում է կոկորդի (անգինայի և ֆարինգիտի դեպքում), բերանի խոռոչի ողողումների համար:

4. Փոխարինում է ինսուլինին:

Նուռն այն սակավաթիվ ուտելիքներից մեկն է, որը ոչ միայն թույլատրելի, այլև օգտակար է շաքարով հիվանդների համար:

5. Բուժում է մաշկը:

Եթե ձեր մաշկը յուղոտ է, բշտիկներ են առաջանում կամ բորբոքված է, ապա շատ օգտակար է հետևյալ դիմակը. մանրացված նռան կեղևը թեթև տաքացնել, խառնել կարագին կամ ձիթապտղի յուղին, պահել սառնարանում և շաբաթը 2 անգամ քսել մաշկին

6. Այն դադարեցնում է փորլուծությունը:

Կեղևն ու հատիկները կապող հատկություն ունեն, որի պատճառով օգտագործում են փորլուծության համար: Մեծահասակների համար պետք է կեղևը չորացնել, մանրացնել և  մի փոքր գդալի չափով օրական 3 անգամ ընդունել: Երեխաներին կարելի է տալ կիսով չափ ջրով բացած թարմ քամած հյութ:

7.  Բուժում է բորբոքումները:

Տարբեր բորբոքային հիվանդությունների (երիկամային, լյարդի, աչքերի և ականջների, հոդերի, կանացի օրգանների) դեպքում օգնում է նռան կեղևի թուրմը:

Նյութը հրապարակման պատրաստեց Past.am-ը: