Խորհուրդներ, որոնք կօգնեն կենցաղում

Տուն մաքրելը բավականին ժամանակ է խլում, օգտվեք մեր խորհուրդներից և այդ ժամանակը զգալի կկրճատվի:

Ողորկված (պոլիրովկա) կահույքի վրայից հետքերը հեռացնելու համար կարելի է օգտագործել աղի և բուսական յուղի խառնուրդ: Այն քսեք կահույքի մակերեսին, թողեք 2 ժամ, հետո չոր և փափուկ կտորով մաքրեք:

Ողորկված կահույքի փայլը վերականգնելու համար օգտագործեք երիժնակի յուղի և օդեկոլոնի խառնուրդ:

Սպիտակ կահույքը կարելի է մաքրել կիսած հում սոխով:

Եթե արդուկել եք սինթետիկ կտոր և արդուկի տակը սևացել է, ապա մաքրել այն կարելի է եղունգների լաքը հանելու հեղուկով: Բամբակը թրջեք և քսեք արդուկի կեղտոտված մասին:

Թանաքի հետքերը մարմարից հանելու համար օգտագործում են մանանեխը, գլիցերինը և գոլ սպիրտը:

Նիկելապատ և արծաթյա իրերը կփայլեն ինչպես նոր, եթե մաքրել անուշադրի սպիրտով թրջած բրդյա կտորով:

Պահեք նոր գնած ավելը տաք աղաջրի մեջ 2-3 ժամ և այն կծառայի երկուսից երեք անգամ ավելի երկար:

Քացախի լուծույթով (1 ճաշի գդալ 1 բաժակ ջրին) կարելի է հեռացնել ապակու և հայելու վրայի հետքերը, մաքրել էմալապատ պղինձները, լվացարանը, լոգարանը:

Ժանգի հետքերը լոգարանի մակերեսից կարելի է հանել տաքացրած քացախով, որի մեջ ավելացվում է մի քիչ աղ:

Գորգը կարելի է մաքրել հետևյալ լուծույթով. մեկ դույլ տաք ջրի մեջ լցնել 2 ճաշի գդալ լվացքի փոշի, 1 գդալ անուշադիրի սպիրտ: Գորգը մաքրեք այդ լուծույթով թրջած շորով, ապա չոր շորով և թողեք որ լավ չորանա:

Հատակի գորգը մաքրելու ևս մեկ միջոց. մի թափեք օգտագործած թեյի խոտը, այլ այն հավաքեք և խոնավ վիճակում ցանեք գորգի վրա: Կոշտ ավելով ավլեք՝ ավելը շարժելով մի ծայրից դեպի մյուսը: Գորգը մաքրվում է, իսկ թեյը թույլ չի տալիս, որպիսի փոշին օդ բարձրանա:

Ողորկված կահույքի քերծվացքները կարելի է ծածկել համապատասխան գույնի կոշիկի քսուքով:

Հայելին մաքրելու համար կարելի է օգտագործել օդեկոլոնը, կամ ջրով բացած թեյի գույնը:

Դեղնած արծնապատ լոգարանը խորհուրդ է տրվում մաքրել աղով և քացախով, իսկ արծնածածկը (էմալը) կարելի է վերականգնել հետևյալ ձևով՝ «Սուպերցեմենտ» սպիտակ սոսինձը և նիտրոէմալը խառնել հավասար քաշային չափաբաժիններով, լոգարանը մաքրել բենզինով, ապա քսել պատրաստված խառնուրդը: Թողնել չորանա 24 ժամ և նորից ներկել: Գործողությունը կրկնել 4 անգամ: Մոտավորապես անհրաժեշտ է 4 պարկուճ սոսինձ և 160գ. ներկ:
Մակերեսը ստացվում է հարթ և բավականին ամուր:

Խոհանոցային լաթերն ու սրբիչները կմաքրվեն շատ ավելի լավ և արագ, եթե լվանալուց առաջ թրջել գոլ ջրի և քացախի խառնուրդի մեջ:

Ջրի մեջ լուծել կավիճը և դրանով մաքրել խոհանոցի և լոգասենյակի սալիկները, այնուհետև չորացնել չոր լաթով: Սալիկները հիանալի կփայլեն, իսկ դրանց սահմանագիծը կդառնա սպիտակ: