«Տարվա լավագույն երգիչ»՝ Մարտին Մկրտչյան, «Տարվա լավագույն երգչուհի» ՝Լիլիթ Հովհաննիսյան. «Pan Armenian Entertainment Awards 2016»-ի մրցանակակիրները

Life.tert.am-ը գրում է.

PanArmenian TV-ի և Global Arts International-ի համագործակցության շրջանակում Լոս Անջելեսի հանրահայտ Microsoft թատրոնում նոյեմբերի 6-ին կայացել է Pan Armenian Entertainment Awards 2016 մրցանակաբաշխությունը:

Tert.am Life-ի հետ զրույցում Պանարմենիան Մեդիա Գրուպի միջազգային հարաբերությունների պատասխանատու և մրցանակաբաշխության հայաստանյան ներկայացուցիչ Սյուզի Շահբազյանը նշեց, որ մրցանակաբաշխության նպատակն է մեկ հարկի տակ հավաքել Հայաստանում եւ սփյուռքում ապրող հայ արտիստներին:

«Pan Armenian Entertainment Awards-2016-ի առաքելությունն է խրախուսել հայկական արվեստի և մշակույթի պահպանումը՝ սերունդների միջև կամուրջներ կառուցելով: Նշենք, որ միջոցառման ժամանակ մրցանակներ են շնորհվել երաժշտության, կինոյի, հեռուստատեսության, մեդիայի և նորաձևության ոլորտների զարգացման գործում ավանդ ունեցած ծագումով հայ արտիստներին»,- ասաց Սյուզին:

Վերջինս նշեց, որ մրցանակակիրների ընտրությունը կատարվել է` հաշվի առնելով մշակույթի տարբեր ոլորտներում  նրանց ծավալած գործունեությունը: Ինչպես նաև հատուկ մրցանակներ են տրվել հայկակական արվեստում և մշակույթում մեծ ներդրում ունեցած անհատների:

«Գլխավոր մրցանակն աշխարհահռչակ դիզայներ Մայքլ Արամի պատրաստած արձանիկն է, որը զուտ մրցանակ լինելուց բացի, նաև արժեքավոր և խորհրդանշական նվեր է՝ նռնենու տեսքով: Ծառը կյանքի, կենսական ուժի, դիմակայելու և հավերժ գոյատևելու խորհրդանիշն է, ինչը շատ համահունչ է մեր ժողովրդի ճակատագրին: Նուռը հայկական գլխավոր խորհրդանիշներից է: Այն պտղաբերության, ծաղկման, առատության խորհրդանիշն է»,- նշեց նա:

Ստորեւ ներկայացնում ենք հաղթողներին՝

Տարվա լավագույն երգչուհի  - Լիլիթ Հովհաննիսյան

Տարվա լավագույն երգիչ - Մարտին Մկրտչյան

Տարվա լավագույն երգ -
Ռազմիկ Ամյան, Չունի աշխարհը քեզ նման

Տարվա լավագույն տեսահոլովակ -  Արմենչիկ,  Հայրիկ (ռեժ. Արթուր Մանուկյան)



Տարվա լավագույն զուգերգ - Սոֆի Մխեյան և Վիգեն Հովսեփյան, Քիչ է

Տարվա լավագույն երաժշտական նախագիծ/համերգ – Էրիկ

Տարվա լավագույն ժողովրդական մշակում  - Արփի Շահնուբարյան - Թամզարա

Տարվա լավագույն հումորային հեռուստանախագիծ –
Ֆուլ Հաուս



Տարվա ընթացքում միջազգային բեմում Հայաստանը լավագույնս ներկայացրած արտիստ - Իվետա Մուկուչյան

Տարվա լավագույն տեղեկատվական հեռուստանախագիծ - Ժամը լրատվական, Արմենիա հ/ը լրատվական ծառայություն


Տարվա լավագույն ֆիլմ - Կյանք ու կռիվ



Ամենապահանջված արտիստ - Արման Հովհաննիսյան

Տարվա ամենադիտված երաժշտական նախագիծ - Արփի և Միհրան Ծառուկյան, Անհնար է

Սփյուռքի տարվա լավագույն երգիչ – Արմենչիկ

Սփյուռքի տարվա լավագույն երգչուհի - Թամար Կապրիելյան



Սփյուռքի տարվա լավագույն հումորային դերասան - Գև Օրկյան

Հատուկ մրցանակներ

Հատուկ մրցանակ - Տարվա մեդիադեմք Նազենի Հովհաննիսյան

Հատուկ մրցանակ - Սիրուշո, Երիտասարդների շրջանում ազգային արժեքների տարածման համար

Հատուկ մրցանակ - հայկական փոփ-ֆոլկ երաժշտության ոլորտում ավանդի համար 
Թաթա Սիմոնյան

Հայկական երաժշտական ոլորտում մեծ ավանդի համար - հատուկ մրցանակ 
Արթուր Գրիգորյան

Հատուկ մրցանակ ամենավարկանշային հեռուստանախագծերը իրականացնելու համար, Դիանա Գրիգորյան

Հատուկ մրցանակ - Արաքսյա Կարապետյան

Հատուկ մրցանակ - Ատոմ Էգոյան

Հատուկ մրցանակ 60-ամյա հոբելյանի առթիվ - Հանրային հեռուստաընկերություն

Հատուկ մրցանակ - Beauty & Art, Հրանուշ Աճեմյան:

Նյութը՝ Մելինե Տոնոյանի