Տառապու՞մ եք շաքարային դիաբետով. Չգիտե՞ք ինչ անել. Պայքարենք միասին

Շաքարային դիաբետը քրոնիկ հիվանդություն է, որի դեպքում արյան մեջ բարձրանում է շաքարի պարունակությունը: Շաքարային դիաբետի առաջացման պատճառ կարող են լինել ժառանգականությունը, անառողջ սննդակարգը, ճարպոտ սնունդը, շաքարի չարաշահումը, գիրությունը, ֆիզիկական պասիվությունը, բարձր զարկերակային ճնշումը:

Որո՞նք են շաքարային դիաբետի կանխարգելիչ միքոցները:

Շաքարային դիաբետը կանխելու համար սննդակարգում պետք է սահմանափակվի յուղալի սննդի և աղի օգտագործումը,փոխարենը՝ պարունակի ձավարեղեն, մրգեր, բանջարեղեն, անյուղ միս:Անհրաժեշտ է նաև պայքարել ավելորդ քաշի դեմ, դադարեցնել ծխելը և սահմանափակել ալկոհոլի օգտագործումը:

Գոյություն ունեն մի շարք սննդամթերքներ, որոնք կարող են կանխել շաքարային դիաբետի առաջացումը:

Քարրի (кари) - Քարրին հնդկական համեմունքների խառնուրդ է, որի բաղադրամասը քրքումն է։ Գիտնականները հայտնաբերել են նաև, որ քարրի պղպեղը օգտակար է սրտի համար: Դրա ջերմացնող հատկությունը նպաստում է արյան բարձր ճնշման իջեցմանը և նվազեցնում է արյան մեջ խոլեստերինի չափաքանակը:

Դարչին- Դարչինը հայտնի է արյան մեջ շաքարի մակարդակի նվազեցման հատկությամբ: Փորձը կատարվել է ավելորդ քաշ ունեցող 22 կամավորի հետ, որոնց բաժանել են երկու խմբի: Առաջին խմբին, իրենց ամենօրյա սննդակարգի հետ միասին, օրական երկու անգամ այլ դեղամիջոց են տվել, իսկ մյուս խմբին՝ դարչինի հաբ: Վեց շաբաթ անց երկրորդ խմբի մոտ արյան մեջ շաքարի մակարդակի զգալի անկում է նկատվել:

Սուրճ- Սուրճը ոչ միայն թարմացնող ըմպելիք է, այլև կարող է պաշտպանել շաքարախտից։ Շնորհիվ սուրճի բաղադրության մեջ գտնվող կոֆեինի սուրճն ունի օրգանիզմը խթանող ազդեցություն։

Սև դառը շոկոլադ- Համարվում է, որ սև շոկոլադի հաճախակի օգտագործումը կարող է օգնել շաքարախտի դեմ պայքարի ժամանակ, քանի որ այն բարձրացնում է ինսուլինի նկատմամբ օրգանիզմի զգայունությունը։

Ընկուզեղեն - Պնդուկի և ընկուզեղենի այլ տեսակները մեզ կպաշտպանեն թե՛ շաքարախտից և թե՛ սրտանոթային հիվանդություններից։

Նյութը հրապարակման պատրաստեց Past.am-ը: