Արվեստի և ճարտարապետության աշխարհահռչակ գործերի 6 գաղտնիքներ, որոնց մասին շատ քիչ մարդիկ գիտեն

ՖՈՏՈ 4 Նոյեմբեր, 2016 22:04

Կան արվեստի և ճարտարապետության մի շարք աշխարհահռչակ գործեր, որոնք ունեն բազում գաղտնիքներ։ Այդ գաղտնիքները անհայտ են մարդկանց 90%-ին, չնայած որ բոլորը գիտեն այդ գործերի մասին։

BlogNews –ը որոշել է պատրաստել այդպիսի գաղտնիքներ գլխավոր 6-յակի ցանկը, որը և Ձեզ ենք ներկայացնում ստորև։

Բնակարան՝ Էյֆելյան աշտարակի վերջին հարկում

Գուսավ Էյֆելը՝ նախագծի հեղինակը, ինքն իր համար հատուկ բնակարան է նախագծել և կառուցել աշտարակի վերջին հարկում։ Էյֆելը այդ բնակարանը օգտագործում էր ամեն ինչից կտրվելու և հանգստանալու համար։ Այնտեղ եղել է նույնիսկ Թոմաս Էդիսոնը։ Այժմ այդ բնակարանը թանգարան է, որտեղ տեղադրված են Էյֆելի և Էդիսոնի մոմե արձանները։

Ազատության արձանի ոտքերի մոտի պոկված շղթան

Ազատության արձանը ԱՄՆ-ին նվիրել է Ֆրանսիան՝ ի պատիվ Ամերիկյան հեղափոխության 100-ամյակի։ Այն ազատության, ժողովրդավարության և ստրկատիրության կործանման խորհրդանիշն է։ Հենց այդ պատճառով էլ արձանի ոտքերի մոտ պոկված շղթա կա, որը չեն նկատում զբոսաշրջիկների մեծամասնությունը, սակայն որը մեծ խորհուրդ ունի թե՛ արձանի և թեշ ԱՄՆ-ի համար։

Երկրորդ Մոնա Լիզան

Հայտնի փաստ է, որ շատ նկարիչներ փորձել են կրկնօրինակել հանրահայտ «Մոնա Լիզա» կտավը։ Սակայն կա նաև երկրորդ այսպիսի նկար, որը նկարել է Լեոնարդո դա Վինչին և որը կրկնօրինակ չէ։ Հետաքրքիրն այն է, որ երկրորդ տարբերակում Մոնա Լիզան փոքր-ինչ տարբերվող տեսանկյունից է նկարված։ Մասնագետները կարծում են, որ այդ կտավը աշխարհահռչակ Մոնա Լիզայի նախնական տարբերակն է։

Ռաշմոր լեռան ժամանակի խցիկը

Այս հանրահայտ հուշարձանի կառուցման ժամանակ ճարտարապետ Գուտզոն Բորգլումը ցանկացել է հուշարձանի ներսում ստեղծել «Հիշողությունների սրահ». դա պետք է լիներ մի գաղտնի սենյակ, որտեղ հետագա սերունդները կկարողանային գտնել ԱՄՆ-ի պատմության մասին հիմնային գրառումները և ամբողջ անհրաժեշտ ինֆորմացիան։ Այս սենյակը կառուցելու համար նա քարանձավ է փորել Աբրահամ Լինկոլնի գլխի ետևում։ Սակայն շինարարության կեսից Բորգլումը մահանում է՝ անավարտ թողնելով իր այդ մտահղացումը։ Շինարարության ավարտից ավելի քան 50 տարի անց՝ 1998 թվականին, կարևոր փաստաթղթերի կրկնօրինակները և նախագահների գրառումները տեղակայվել են այդ քարանձավում, որը այժմ ծառայում է որպես ժամանակի խցիկ։

Սֆինքսի իրական տեսքը

Գիզայի Սֆինքսը աշխարհի հնագույն արձանն է։ Կառուցումից հետո այն զարդարվել է վառ գույներով, որոնց միայն մի չնչին մասն է պահպանվել մինչև օրս՝ Սֆինքսի ականջներից մեկի ետևում։ Բացի այդ՝ այն ունեցել է ամբողջական քիթ և պատվավոր մորուք։ Դրանց մնացորդները կարելի է տեսնել բրիտանական և եգիպտական թանգարաններում։ Որոշ մասնագետներ կարծում են, որը առաջին շինարարության ավարտից հետո Սֆինքսը առյուծի գլուխ է ունեցել, իսկ մարդու դիմագծերը քանդակվել են որոշ ժամանակ անց։ Այս տեսությամբ բացատրվում է Սֆինքսի հսկայական մարմնի և համեմատաբար փոքր գլխի անոմալիան։

Երկինքը՝ «Ճիչը» կտավում

Էդվարդ Մունկի այս լեգենդար կտավի սկզբնական անվանում «Բնության Ճիչ» է եղել։ Իր անձնական օրագրում արտիստը գրել է.

«...Հանկարծակի երկինքը դարձավ արյան պես կարմիր։ Ես կանգնեցի ու հոգնած հենվեցի ցանկապատին և այդ պահին տեսա արյուն և կրակի լեզուներ՝ կապտասև ֆյորդի (ժայռերի արանքում գտնվող ծովային անդունդ) և քաղաքի վրա ...»

2003 թվականին մի խումբ աստղագետներ առաջադրեցին մի տեսություն, ըստ որի՝ երկնքի՝ արյան պես կարմիր գույնը, որը այդքան ցնցել և զարմացրել էր նկարչին, Կրակատոա հրաբխի 1883 թվականի ժայթքման արդյունքն է։ Դրա հետևանքով մեծ քանակությամբ հրաբխային փոշի է արտանետվել մեր մոլորակի մթնոլորտ, ինչի արդյունքում էլ հետագա մի քանի տարիների ընթացքում մարդիկ տեսել են չափազանց վառ, կրակի պես մայրամուտներ աշխարհի բոլոր ծայրերից։