Ադամանդներ, Chanel-ից եւ Hermes-ից թանկարժեք պայուսակներ. ինչպես է ապրում տաջիկ օլիգարխի դուստրը Մոսկվայում

Նախօրեին գրել էինք այն մասին, թե ինչպես է Մոսկվան ցնցել օլիգարխների երեխաների հերթական հարսանիքը: Այս անգամ ամուսնացել է Իլհոմ Շոկիրովի դուստրը՝ Մադինան: Հանդիսությունն անցկացվել է Radisson Royal հյուրանոցում, ուր ազդեցիկ ընտանիքը 900 մարդու է հրավիրել:

Տաջիկ «արքայադստեր» ընտրյալը Սարդոր անունով երիտասարդ է:

Մադինան հարսանիքին ներկայացել է Ralph & Russo-ից զգեստով՝ 500 հազար ֆունտ սթեռլինգ արժողությամբ: Բեմում հյուրերին զվարճացրել է Իվան Ուրգանդն իր սանի՝ Ալլա Միխեեւայի եւ երգչուհի Գլյուկոզայի հետ: Իր շոու-բալետի հետ ելույթ է ունեցել նաեւ Ֆիլիպ Կիրկորովը:

Հարսնացուի հայրը՝ գործարար Իլհոն Շոկիրովը, Տաշքենդի ամենաթանկարժեք հյուրանոցի՝ «Գրանդ»-ի սեփականատերն է, նրան է պատկանում Ուզբեկստանի «Դեմիր» առեւտրի-ժամանցի կենտրոնի 65%-ը, նաեւ մի քանի հյուրանոց ունի Մերձմոսկվայում:

Life.ru-ը փորփրել է սոցիալական ցանցերն ու ներկայացրել 27-ամյա տաջիկ գեղեցկուհու շքեղ կյանքը։

Մադինան պաշտում է Chanel եւ Hermes պայուսակները, ինչպես նաեւ Cartier-ից ոսկերչական զարդեր:

Մանկուց գործարարի ժառանգորդուհին շրջապատված է եղել ծնողների հոգատարությամբ, որոնք սիրելի դստերը ողողել են ամենաթանկարժեք նվերներով:

Արդեն քսան տարի է Մադինան Ամանորը դիմավորում է բացառապես Դուբայի հինգ աստղանի հյուրանոցներում, ուր նրան հասցնում է ընտանեկան մասնավոր օդանավը:

Տաջիկ արքայադուստրը տարվա մեջ երկու անգամ Փարիզ է մեկնում՝ Նորաձեւության շաբաթվան մասնակցելու, որտեղ առաջին շարքում նստում է հոլիվուդյան հայտնիների եւ Vogue ամսագրի գլխավոր խմբագիր Աննա Վինտուրի հետ:

Մադինա Շոքիրովան՝ ճապոնական Vogue-ի ստեղծագործական տնօրեն Աննա Դելլո Ռուսոյի հետ

Մադինայի պայուսակների հավաքածուի ընդհանուր արժողությունը շուրջ 30 մլն ռուբլի է (կես միլիոն դոլար):

40 մլն ռուբլի արժողությամբ հարսանեկան զգեստի տիրուհին 5 մլն ռուբլու ապարանջաններ ունի՝ ադամանդներով պատված, եւ թանկարժեք քարերով արքայական թագեր՝ յուրաքանչյուրը 40 մլն ռուբլի արժեքով:

NEWS.am STYLE