Եվրոպան պետք է որոշում կայացնի Թուրքիայի հարցով. Ջոն Դյունդար

Թուրքիայի ընդդիմադիր «Ջումհուրիեթ» պարբերականի նախկին գլխավոր խմբագիր, հայտնի թուրք լրագրող Ջան Դյունդարը, ում թուրքական դատարանը կալանավորելու մասին որոշում է ընդունել, հարցազրույց է տվել գերմանական Deutsche Welle պարբերականին: Ինչպես հաղորդում է «Արմենպրես»-ը, հարցազրույցում Դյունդարը խոսել է Թուրքիայում «Ջումհուրիեթ» պարբերականի նկատմամբ իրականացվող գործողությունների մասին` փաստելով, որ այստեղ խնդիրը ոչ թե մեկ պարբերականն է, այլ առհասարակ լրագրության մասնագիտության լիկվիդացումը:

«Թուրքիայում փորձում են մեր ձեռքից վերցնել ճշմարտությունն իմանալու, ճշմարտությունն ասելու իրավունքը: Այսուհետ ժամանակն է, որ ամեն տեղ բարձրացնենք մեր ձայնն ու պայքար մղենք»,- ասել է նա:

Խոսելով այն մասին, թե արդյոք Գերմանիան կարող է իրեն արտահանձնել Թուրքիային` լրագրողը նշել է, որ որոշում ընդունողը գերմանական կողմն է լինելու: «Գերմանիան արդեն ստիպված է որոշում կայացնել` կանգնելու է ժողովրդավարության, թե բռնության կողքին: Եվ միայն Գերմանիան չէ, ողջ Եվրոպան է կանգնած երկընտրանքի առաջ` ցանկանում են Թուրքիային տեսնել որպես մերձավորարևելյան բռնապետություն, թե ժողովրդավար, աշխարհիկ ու ազատ երկիր»,- ընդգծել է Դյունդարը:

Նա նշել է, որ պարզապես ծիծաղելի է, երբ գյուլենականներին աջակցելու մեջ մեղադրում են մի պարբերականի, որը 20-30 տարի պայքարել է նրանց դեմ:

Հոկտեմբերի 31-ին թուրքական իրավապահ մարմինները գործողություն են իրականացրել «Ջումհուրիեթ»-իաշխատակիցների նկատմամբ` խուզարկելով նրանց տներն ու առգրավելով համակարգիչները: Ձերբակալվել է 12մարդ,այդ թվում և պարբերականի գլխավոր խմբագիր Մուրադ Սաբունջուն: Եվս երեք աշխատակցի ձերբակալելու որոշում էընդունվել: «Ջումհուրիեթ»-ի ղեկավարությանն ու լրագրողներին 5 օր փաստաբանների հետ տեսակցելու արգելք է նշանակվել:

Ձերբակալման որոշումն ընդունած դատարանի որոշման մեջ նշվում է, թե պարբերականն ու դրա աշխատակիցները Քրդական բանվորական կուսակցության (PKK) և գյուլենականների օգտինքարոզչություն են իրականացրել: