Հրայր Թովմասյանն ապագայի հարցում դեռ չի կողմնորոշվել

 Ազգային ժողովի աշխատակազմի ղեկավար Հրայր Թովմասյաննանդրադարձել է մամուլում շրջանառվող խոսակցություններին, թե ինքը ցանկանում է Սահմանադրական դատարանի անդամ դառնալ: Ազգային ժողովում լրագրողների հետ զրույցում Հրայր Թովմասյանն ասաց, որ ինքը ընդհանրապես իր ապագայի հետ կապված անորոշության մեջ է: «Ես ան գամ հիմա կդժվարանամ պատասխանել, առաջիկա խորհրդարանական ընտրություններից հետո կշարունակե՞մ մնալ պետական կառավարման համակարգում, թե ոչ»,- «Արմենպրես»-ի հաղորդմամբ՝ ասաց Թովմասյանը:

Նա հավելեց՝ եթե որևէ պաշտոնում կլինի մեկը, ով կկարողանա ավելի լավ պաշտոնավարել, քան ինքը, ապա ինքը պատրաստ է իրեն առաջարկվող ցանկացած պաշտոն զիջել այդ մարդուն: