Հայկական շոու-բիզնեսը՝ Արսեն Սաֆարյանի «Սաֆ» ակումբի բացմանը (ֆոտոռեպորտաժ)

Արսեն Սաֆարյանն այսուհետ բացի երաժշտական գործունեությունից  նոր զբաղվածություն ունի։

Երեկ՝ հոկտեմբերի 30-ին, կայացավ երգչի «Սաֆ» ակումբի պաշտոնական բացումը, որին ներկա էին նաեւ շոու-բիզնեսի հայտնի ընկերներն ու գործընկերները՝ Անդրեն, Զարուհի Բաբայանը, Արման Մարգարյանը, Հայկ Հունանյանը, Սոֆի Դեւոյանը, Լուիզա Ներսիսյանը, Մաշա Մնջոյանը, Սոֆյա Ղուլյանը, Արաքսյա Ամիրխանյանը, Հրաչ Քեշիշյանը,  Արթուր Գրիգորյանը, Նարեկ Մակարյանը, Արա Գեւորգյանը, Դիանա Մալենկոն եւ այլք։

«Ընկերներիս՝ Արմենի եւ Հասմիկի հետ այս ակումբի վրա սկսել ենք աշխատել միասին։ Ակումբն ունի երկու սրահ՝ մեկը շոու ծրագրերի համար է, իսկ հաջորդը՝ կենդանի կատարումների, որտեղ ես ինքս ունենալու եմ փոքր մենահամերգ՝ շաբաթը մեկ անգամ: Շաբաթվա մնացած օրերին ելույթ կունենան երիտասարդ, տաղանդավոր երգիչ-երգչուհիներ: «Սաֆ» ակումբում կերգեն այն մարդիկ, որոնք իրենց ձայնով մեծ տպավորություն կթողնեն։ 20 տարի առաջ ես էլ էի նորեկ, եւ այն ժամանակ էլ ինձ էին տարբեր հայացքներով նայում, իսկ հիմա մենք պետք է օգնենք տաղանդավոր երիտասարդների՝ իրենց ուղին հարթելու գործում»,-նշեց Արսեն Սաֆարյանը։

Երգչուհի Զարուհի Բաբայանն իր ուրախությունը հայտնեց «Սաֆ» ակումբի բացման առթիվ.

«Վստահ եմ, որ այս ակումբը գործելու է երկար տարիներ եւ ունենալու է լեցուն դահլիճներ: Ես ինքս ել եմ ուզում այստեղ ելույթ ունենալ, ինչի մասին արդեն խոսել եմ Արսենի հետ»,- նշեց նա։

Երգիչ Անդրեն էլ ուրախ է այն փաստի առթիվ, որ ակումբում պարբերաբար ելույթներով հանդես կգան իրենց սերնդի ներկայացուցիչները.

«Ես ինքս էլ մեծ սիրով հնարավորության դեպքում այստեղ ելույթ կունենամ։ Ես կարծում եմ՝ Արսենը կպահի ակումբի բարձր մակարդակը։ Ամենուրեք տարբեր երաժշտություն է հնչում, ես կարծում եմ՝ Արսենը կարող է այստեղ հավաքել այն հանդիսատեսին, որոնք ժամանակին ոգեւորված Համալիրի համերգների տոմսեր էին գնում»,-նշեց երգիչը։

«Սաֆ» ակումբի բացումն ու հյուրորը՝ NEWS.am STYLE-ի ֆոտոռեպորտաժում։

Սյունե Առաքելյան

Աղբյուրը՝ NEWS.am STYLE