Ավտովթար Լոռու մարզում. բախվել են BMW-ները. 4 վիրավորների մեջ հղի կին կա. ֆոտոռեպորտաժ

Shamshyan.com-ը գրում է.

Երեկ՝ հոկտեմբերի 29-ին, ավտովթար է տեղի ունեցել Լոռու մարզում:

Ժամը 21:00-ի սահմաններում Ալավերդի քաղաքից դեպի Սանահին Սարահարթ թաղամաս տանող ճանապարհի 1-ին կմ հատվածում բախվել են Ալավերդի քաղաքի բնակիչ, 24-ամյա Արթուր Լալայանի վարած BMW մակնիշի 64 LՍ 900 համարանիշի և Ալավերդի քաղաքի բնակիչ, 27-ամյա Դավիթ Մաթոսյանի վարած BMW մակնիշի 99 MD 499 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, բախման հետևանքով վարորդ Դ. Մաթոյսյանը և վարորդ Լալայանն ու վերջինիս ուղևորներ՝ Արմեն Անթանեսյանը, և Գայանե Ասլանյանը մարմնական վնասվածքներով տեղափոխվել են Ալավերդու բժշկական կենտրոն, որտեղից Գ. Ասլանյանին, ով հղի է՝ անմիջապես տեղափոխել են Երևան՝ Արմենիա բժշկական կենտրոն, որտեղից տեղեկացրել են, որ Գ. Ասլայնաին և պտղին վտանգ չի սպառնում:

Դեպքի վայր է ժամանել ՃՈ 2-րդ սպայական գումարտակի 5-րդ վաշտի 2-րդ դասակի աշխատակիցները՝ դասակի հրամանատար Սմբատ Նորեկյանի գլխավորությամբ: Փաստի առթիվ Հայաստանի քննչական կոմիտեի Լոռու մարզային քննչական վարչության Թումանյանի քննչական բաժնի ավագ քննիչ Կարեն Մոսինյանի կողմից նյութեր են նախապատրաստվում: Ֆոտոլրագրողի տեղեկություններով՝ վիրավոր Ա. Անթանեսյանը և Գ. Ասլանյանը ամուսիններ են:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները` Էդիկ Սիմոնյանի