Մարինա Գրեգը Հնդկաստանում է. նա համատեղում է հանգիստն ու աշխատանքը (բացառիկ լուսանկարներ)

 Life.panorama.am-ը գրում է.

Հաղորդավարուհի Մարինա Գրեգն այս օրերին Հնդկաստանում է. Հաղորդավարուհին Հնդկաստանի Կերալա նահանգում համատեղում է հանգիստն ու աշխատանքը, որի մասին պատմել է Life.panorama.am-ին ու լուսանկարներ տրամադրել:

«Արդեն 4 օր է` գտնվում եմ Հնդկաստանի ամենագողտրիկ վայրերից մեկում` Կերալա նահանգում։ Միշտ եմ ցանկացել գոնե մեկ անգամ լինել Հնդկաստանում, ծանոթանալ մշակույթին և հնդկական սովորույթներին։ Իմ ամառային հանգիստը այդքան էլ չհաջողվեց, փոխարենը հիմա վայելում եմ այնպիսի օրեր, որոնք անմոռանալի են։ Մի կողմից Հնդկական օվկիանոսն է, մյուս կողմից` Արաբական ծովը, գետեր, անթիվ լճեր…իսկ ես ջրի սիրահար եմ։ Սա այն վայրն է, որտեղ գոնե մեկ անգամ պետք է լինել։ Դրախտ երկրի վրա` Կերալայի մասին է»,- նշեց Մարինա Գրեգն ու պատմեց Հնդկաստանում հանգստի ու աշխատանքի համատեղման մասին.

«Սա լրագրողական ճամփորդություն է, որը կազմակերպել է Հնդկաստանում գտնվող «Mystique Mantras Holidays» ընկերությունը։ Այն համագործակցում է հայաստանյան ընկերությունների հետ։ Արդեն 8 տարի է` Հնդկաստանում է ապրում մեր հայրենակից Քրիստինա Սարգսյանը, ով այդ ընկերության ներկայացուցիչն է։ Այսպիսով, նրա նախաձեռնությամբ «Mystique Mantras Holidays»-ը ու «Air Arabia» ավիաընկերությունը այս աշուն կազմակերպեցին ճամփորդություն դեպի Հնդկաստանի հարավ։ Նպատակը զբոսաշրջությունը երկկողմ զարգացնելն է։ Մեկնողները Հայաստանի ռադիոհեռուստաընկերությունների ներկայացուցիչներ են` հաղորդավարներ, լրագրողներ, ռեժիսորներ… Կվերադառնանք հետաքրքիր ռեպորտաժներով և հոդվածներով։ Մեկնեցինք որպես գործընկերներ, բայց մի քանի օրում հասցրեցինք մտերմանալ և ընկերանալ, որովհետև մթնոլորտը շատ ջերմ է։ Ես սիրահարված եմ Կերալային, սա այն եզակի վայրերից է, որը գերազանցում է բոլոր սպասելիքներդ։ Իսկ հնդիկներն այնքան բարյացակամ ու հարգալից են` դու քեզ թագուհի ես զգում ամեն րոպե և ամենուր։ Չեմ դադարում հիանալ` Քրիստինան այս օրերի ընթացքում կարողացավ այնքան ճիշտ ու ռացիոնալ օգտագործել մեր ժամանակը…Դեռ մի քանի օր է անցել, բայց կարծես երկար ժամանակ այստեղ լինենք, քանի որ շրջել ենք ամբողջ Կերալայով, եղել մի քանի քաղաքներում։ Նա հոգ է տարել ամեն մանրուքի մասին»։

Մարինան ակտիվ հանգստի սիրահար է, նրա խոսքով` գլխավորը ծովի ու արեւի առկայությունն է.

«Ես ակտիվ հանգիստ եմ սիրում, չնայած աստեղի առեղծվածային խախաղությանն ու հանգստությանը, մենք շատ ակտիվ և աշխույժ ենք։ Եթե կա ծով, բնություն, արև, ուրեմն ես մեկնում եմ առանց մտածելու»,- ավարտեց հաղորդավարուհին:

Հեղինակ` Անուշիկ Մելքոնյան