Պետք է զգամ, որ սերը երակներում է հոսում, որ աչքերի մեջ ինձ եմ տեսնում. Մերի Հակոբյան

Life.panorama.am-ը գրում է.

Life.panorama.am-ի այսօրվա զրուցակիցն է դերասանուհի Մերի Հակոբյանն, ով վերջին ամիսներին նկարահնվում է «Աբելի քույրը» հեռուստասերիալում: Նրա հետ խոսել ենք ոչ միայն գործնական ծրագրերից, այլեւ անդրադարձել անձնական կյանքին:

-Մերի, «Աբելի քույրը» հեռուստասերիալը կարծես թե մոտենում է ավարտին, ամփոփելովայստեղ Ձեր կատարած աշխատանք` ինչպե՞ս կբնորոշեք:

- Անհամեստ չհնչի, բայց դատելով արձագանքներից, կարծում եմ, որ Լիկայի կերպարը ստացված էր: Այս ընթացքում հեռուստադիտողը քննարկեց կերպարս, ոմանք սիրեցին ինձ` գնահատելով  կատարածս աշխատանքը, ոմանք էլ հակառակը` չսիրեցին Լիկային, ընդհանրացնելով բացասական կերպարս իմ իրական տեսակի հետ:

-«Աբելի քույրը» հեռուստասերիալում ամենակարեւոր ձեռքբերումը ո՞րն է եղել`աշխատանքային փորձը, թե ձեռք բերած ընկերները:

-  Երկուսն էլ. Այստեղ պատիվ ունեցա աշխատելու Ելենա Արշակյանի հետ` հիանալի պրոդյուսերի, ով լավ մասնագետ լինելուց զատ նաեւ հիանալի մարդ է: Ունեցա ռեժիսոր, ով դերասան լինելով, կարողացավ տալ խնդիր ու հեռուստասերիալն ավարտին հասցնել բարձր մակարդակով. Խոսքս դերասան Գուրգեն Սարգսյանի մասին է:

-Նոր առաջարկներ կամ ծրագրեր կա՞ն, ինչով եք պատրաստվում զբաղվել առաջիկայում:

- Այո, նոր առաջարկներ կան, աշխատանքային դադար չի լինելու: Այս անգամ հեռուստադիտողին կներկայանամ  դրական կերպարով, եթե, իհարկե, փոփոխություններ չլինեն:

 -Մերի, Ձեր թույլտվությամն կցանկանամ տեղափոխվել անձնական դաշտ. մարդու մեջամենաշատը ո՞ր հատկանիշներն եք կարեւորում:

- Համեստությունը:

 -Սիրել նշանակում է... շարունակեք` ելնելով Ձեր սկզբունքներից:

- Սիրել նշանակում է չկոտրվել, չհանձնվել ու չհանդիպել սեփական ես-ին:

-Մերի, ո՞վ կարող է հասնել նրան, որ առանց կասկածի ասեք` ուզում եմ նրա հետ ծերանալ:

- Պետք է զգամ, որ սերը երակներում է հոսում, որ աչքերի մեջ ինձ եմ տեսնում:

 -Ե՞րբ կարող եք հոգեպես Ձեզ բավարարված զգալ:

-  Երբ ընտանիքիս անդամների դեմքին ժպիտ կա: Աշխարհում ինձ ուրիշ ոչինչ պետք չէ, ես ինձ հոգեպես հանգիստ ու բավարարված եմ զգում:

 Հեղինակ` Անուշիկ Մելքոնյան