Թուրքիայի քրդամետ կուսակցությունը երկրում բողոքի ակցիաների շարք է սկսում

Թուրքիայի քրդամետ Ժողովուրդների դեմոկրատական կուսակցությունը Դիարբեքիրի քաղաքապետեր Գյուլթան Քըշանաքի և Ֆըրաթ Անլըի ձերբակալության առնչությամբ հայտարարել է բողոքի ակցիաներ սկսելու մասին: Ինչպես հաղորդում է «Արմենպրես»-ը, յս մասին տեղեկացնում է «Ակոս» պարբերականը:

Հայտարարության մեջ նշվում է, որ կուսակցության համանախագահները և պատգամավորները հոկտեմբերի 26-ին կհավաքվեն Դիարբեքիրի քաղաքապետարանի շենքի դիմաց` բողոքի ձայնը հայտնելու կատարվածի առնչությամբ: Ընդ որում, քաղաքական ուժը հայտնել է, որ բողոքի ակցիաները շարունակվելու են առանց դադարների:

Ժողովուրդների դեմոկրատական կուսակցությունը Դիարբեքիրի քաղաքապետերի ձերբակալությունը, նրանց տներում և քաղաքապետարանի շենքում հետախուզումները որակել են որպես ապօրինի արարք: «Այս անօրինական և կամայական ձերբակալությունները դեմ են մարդու իրավունքներին, ժողովրդավարական իրավունքի սկզբունքներին և այն ժողովրդավարական միջազգային համաձայնագրերին, որոնք Թուրքիան ստորագրել է: Էրդողանի և «Արդարություն և զարգացում» կուսակցության (խմբ.- Թուրքիայի իշխող կուսակցությունն է) ստեղծած այս զուլումը, ճնշումներն ու անօրեն միջավայրն անընդո ւնելի են: Այս պատմական սխալի և ստեղծված քաոսային վիճակի պատասխանատուն քաղաքական վերնախավն է»,- ասվում է հաղորդագրության մեջ:

Կուսակցությունից պահանջել են անմիջապես ազատ արձակել գործիչներին: «Կոչ ենք անում Թուրքիայի ր ողջ աշխարհի քաղաքացիական կազմակերպություններին, քաղաքական կուսակցությունների, ժողովրդավարական և խաղաղարար ուժերին, միջազգային կառույցներին ու խորհրդարաններին` անձայն մի մնացեք այս անօրինության նկատմամբ, բարձրաձայնեք ձեր դժգոհությունը»,- նշվում է կուսակցության հայտարարության տեքստում:

Դիարբեքիրի քաղաքապետեր Գյուլթան Քըշանաքը և Ֆըրաթ Անլըն անվտանգության վարչության ահաբեկչության դեմ պայքարի բաժնի կողմից հոկտեմբերի 25-ին ձերբակալվել են: Ձերբակալություններըտեղի են ունեցել Քրդական բանվորական կուսակցության (PKK) դեմ տարվող հետաքննության շրջանակում: