Մոսկվայում 4-ամյա աղջնակին սպանած Բոբոկուլովան ընդունել Է իր մեղքը

ՀԱՍԱՐԱԿՈՒԹՅՈՒՆ 25 Հոկտեմբեր, 2016 13:22

Գուլչեխրա Բոբոկուլովան, որը մեղադրվում Է Մոսկվայում 4-ամյա այն աղջկա սպանության մեջ, որին նա խնամում Էր որպես դայակ, ընդունել Է իր մեղքը, տեղեկացնում Է «Արմենպրես»-ը:

«Նա ընդունում Է իր մեղքը եւ համաձայն Է իրեն առաջադրված մեղադրանքին»,-Բոբոկուլովայի թարգմանչի խոսքը մեջբերել Է ՏԱՍՍ գործակալությունը:

Հոկտեմբերի 24-ին Մոսկվայի Խորոշեւյան դատարանն սկսել Է Բոբոկուլովայի գործի քննությունը: Նրա կալանքը երկարացվել Է մինչեւ ապրիլի 4-ը:

Բոբոկուլովային մեղադրում են անչափահասի սպանության եւ հրկիզման միջոցով ուրիշի ունեցվածքը միտումնավոր ոչնչացնելու, ինչպես նաեւ պայթյունի մասին կանխապես սուտ հաղորդման մեջ:

Փետրվարի 29-ին Բոբոկուլովան ձերբակալվել Էր Մոսկվայի մետրոյի «Օկտյաբրսկոյե պոլե» կայարանի մոտ, նրա ձեռքում եղել Է երեխայի արյունոտ գլուխ: Ականատեսների վկայությամբ, կինն իրեն անվանում Էր ահաբեկիչ, ինչպես նաեւ սպառնում Էր ռումբ պայթեցնել: Ինչպես հետո պարզվել Է, նրա մոտ պայթանյութ չի եղել:

Ավելի ուշ հայտնի Է դարձել, որ Մոսկվայի Ժողովրդական աշխարհազորի փողոցում գտնվող բնակարանում հրդեհ Է տեղի ունեցել, որի մարման ընթացքում հայտնաբերվել Է 4-ամյա աղջկա մարմինը:

Հետաքննության վարկածով որպես աղջկա դայակ աշխատած կինը սպասել Է, մինչեւ որ նրա ծնողներն ավագ երեխայի հետ հեռանան տնից, եւ սպանել Է իր խնամքի տակ գտնվող երեխային:

Բոբոկուլովայի նկատմամբ անցկացվել Է հոգեբանահոգեբուժական համալիր փորձաքննություն, ինչից հետեւում Է, որ կինը տառապում Է քրոնիկ հոգեկան խանգարմամբ: Ինչպես նշում Է «Ինտերֆաքս» գործակալությունը, դատախազությունը խնդրել Է նրա նկատմամբ կիրառել բժշկական բնույթի հարկադրական միջոցներ: