Նոր մանրամասներ՝ Երևան-Սևան ավտոճանապարհին տեղի ունեցած վթարից վիրավորվածների մասին (տեսանյութ)

Ուսանողների տեղափոխող միկրոավտոբուսը դուրս է եկել ճանապարհի երթևեկելի գոտուց և բախվել հանդիպակաց գոտով ընթացող մեքենային։

Միկրոավտոբուսի վարորդը և ևս 2 ուսանողներ տեղափոխվել են Երևանի թիվ 1 համալսարանական հիվանդանոց։

«Ազատության» հետ զրույցում հիվանդանոցի նյարդավիրաբուժության կլինիկայի ղեկավարը ներկայացրեց հիվանդների վիճակը. - «Մեզ մոտ հիվանդների վիճակը գնահատվում է․ Հրանտի մոտ, որը իմիջիայլոց մեր համալսարանի ուսանողներից է, միջին ծանրության, ունի գանգուղեղային վնասվածք: Իսկ Շահանեի մոտ թեթև աստիճանի գանգուղեղային վնասվածք է: Ներկա պահին այդ երկուսի վերաբերյալ կարող եմ հստակ ասել, որ կյանքին վտանգ չի սպառնում: Մյուս հիվանդը, որը գտնվում է վերակենդանացման բաժանմունքում, ներկայումս վիճակը գնահատվում է ծանր»:

Վթարի պատճառների մասին առայժմ տարբեր վարկածներ կան։ Միկրոավտոբուսի վարորդի հարազատներն ասում են, որ պատճառն անվադողի պայթելն էր։

Վարսեր գյուղի գյուղապետ Զավեն Հարությունյանն «Ազատության» հետ զրույցում կասկածի տակ առավ, որ մեքենան ձմեռային անվադողերով է երթևեկել: Նրա փոխանցմամբ՝ միկրոավտոբուսը պատկանում է գյուղապետի թեկնածու Հուսիկ Սեդրակյանին, ով որոշել էր բարեգործություն անել հոկտեմբերի 23-ին անցկացվելիք ընտրություններից առաջ և ուսանողներին անվճար տեղափոխել։

Շարունակությունը՝ սկզբնաղբյուրում